Përfundon pas rreth dy orësh takimi i Ramës tek Gjeologjia. Ja çfarë tha Rama

Ka përfunduar pas rreth 2 orësh, takimi që kryeministri Edi Rama ka zhvilluar në Fakultetin e Gjeologjisë.

Lajmi është bërë i ditur nga vetë kryeministri me anë të një postimi në rrjetet sociale, ku shprehet:

“Faleminderit për mikpritjen grupit të studentëve dhe pedagogëve të Gjeologjikut,me të cilët patëm një bashkëbisedim të dobishëm për Dialogun(e në fakt zhvilluam vetë Dialogun)?Mësova gjëra të reja prej tyre,mbase edhe ata e kuptuan mirë se ku e kam hallin unë?Nesër vazhdojmë”.

Takimi i Kryeministrit në Fakultetin e Gjeologjisë, vjen kur studentët vijojnë protestën e tyre në ditën e 13-të të tyre dhe pasi nuk morën përgjigje nga kryeministri vendosën që ta përshkallëzonin atë, duke bllokuar disa prej pikave kryesore të kryeqytetit.

Një pjesë prej studentëve u zhvendosën në rrethrrotullimin e Zogut të Zi, duke bllokuar kështu kalimin e mjeteve.

Pedagogu Redi Muçi, njëherësh aktivist i Organizatës Politike dhe lëvizjes “Për Universitetin”, me anë të një postimi në rrjetet sociale, u bënte thirrje pedagogëve që të mos pranon takimin me kryeministrin, pasi sipas tij kështu do të nëpërkëmbej dinjiteti i tyre.

Pas pedagogut Muçi, reagoi përmes një postimi në rrjetet sociale, Unioni Studentor i Gjeologji Minierave, bëntë me dije se asnjë student nuk ka marrë pjesë me pëlqimin e tyre në këtë mbledhje turpshme sipas tyre në ambientet e këtij fakulteti.

Ndërkohë ata u bënin thirrje studentëve që të vazhdojnë rezistencën e tyre deri në tërheqjen e ligjit për arsimin, si pikënisje për plotësimin e kërkesave të studentëve.

(B.B/ Faxweb.al)