Ka përfunduar seanca e parë për ish-kreun e Bashkisë së Vorës, Agim Kajmaku, i cili ndodhet akoma në arrati nën masën “árrest me burg” në mungesë, në Gjykatën Penale të Tiranës. Gjykata ka pranuar provat e dorëzuara nga Prokuroria dhe mbrojtësit e Kajmakut.
Në seancën e radhës, e cila do të zhvillohet në datën 18 qershor, ora 10:00 do të merren në pyetje dëshmitarët Gentian Picari, Laureta Omeri dhe Hekuran Brahimaj. Kajmaku akuzohet për “falsifikim i vulave dhe formularëve”, “falsifikim i dokumentave zyrtare” dhe “kryerja e funksionit pas dhënies fund të tij”.
Prej muajsh tashmë Kajmaku është në arrati, ndërkohë që edhe pse ka pasur pamje të tij filmike që qarkullon i lirshëm nëpër Tiranë, po.licia ende nuk ka rënë në gjurmët e tij.
Discussion about this post