Takimi mes kreut të Qeverisë, Edi Rama dhe kreut të Kuvendit, Ilir Meta, ka përfunduar pas rreth një orë e gjysmë. Në takimin ishte i pranishëm edhe deputeti socialist, Taulant Balla.
Me përfundimin e takimit kokë më kokë pas dështimit të negociatave, Rama dhe Balla kanë dalë veç e veç nga Kryesia e Kuvendit duke zgjedhur të mos bëjnë asnjë koment mbi takimin e beftë të këtij mëngjesi.
Ndërsa kryeparlamentari, njëherazi kreu i LSI-së, Ilir Meta, ndodhet ende në ambientet e Kuvendit të Shqipërisë. Mendohet që në qendër të diskutimeve të ketë qenë edhe çështja e zgjedhjes së Presidentit një ditë përpara mbajtjes së raundit të tretë.
Takimi i sotëm mes liderëve të dy partive në mazhorancë prej rreth katër orësh, u zhvillua pas takimeve të shumta pasditen e djeshme me negociatorët europiane, si përpjekje për t’i dhënë fund ngërçit politik dhe që PD të kthehet në parlament e t’i bashkohet zgjedhjeve.
(XH.A/SHUPLAKA)
Discussion about this post