Disa krerë të mazhorancës së majtë vetëm pak orë para seancës janë mbledhur në “Vila 30” në kryeqytet për të diskutuar mbi këtë seancë që do të zhvillohet në Kuvendin e Shqipërisë. Ky takik sapo ka përfunduar. Në këtë takim janë Edi Rama, kryetari i Komisionit të Ligjeve Fatmir Xhafa, kryetari i grupit parlamentarë të PS Gramoz Ruçi, ministri i Drejtësisë, Petrit Vasili dhe kreu i LSI-së Ilir Meta, dhe përfaqësues të tjarë të së majtës.
Pas takimit Ruci u pyet se cilët janë tre emrat që propozon mazhoranca. “Për emrat ndiqni senacën e sotme plenare”, u shpreh Ruçi.
Krerët po konsultohen për të gjetur konsensus, nëse do të vendoset sot votimi për zgjedhjen e emrave të kandidatëve të komisioneve të vettingut, për të cilin palët janë konsultuar edhe me ndërkombëtarët.
Ashtu siç u paralajmërua ditën e premte, Kuvendi mblidhet sot në një seancë të jashtëzakonshme për ngritjen e komisioneve ad hoc për Vettingun.
Vlen të theksojmë se Partia Demokratike nga ana e saj ka deklaruar se nuk do të jetë e pranishëm në Kuvend. Ndërsa kryetari i Kuvendit, Ilir Meta u ka dërguar nje letër sot krerëve të grupeve parlamentare ku u kërkon që deri në orën 16:00 të dërgojnë emrat e anëtarëve për komisionin e Vettingut. Në ligjin për Vettingun thuhet se ky komision përbëhet nga gjashtë anëtarë, 3 nga maxhoranca dhe tre nga opozita. (J.V/Shuplaka)
