Presidenti i Këshillit Europian Tusk ka mbërritur sot në Tiranë. Pas takimit që zhvilloi më kryeministrin Edi Rama, Tusk dha një deklaratë të shkurtër për mediat, ku vendosi theksin në rëndësinë e çeljes së negociatave për vendin tonë.
Ndërkaq kryeministri Rama e dekoroi Presidentin e Këshillit të Europës me medaljen e “Yllit të Madh të Mirënjohjes”, ku u shpreh se ka qenë një avokat i procesit të zgjerimit të Shqipërisë dhe Maqedonisë së Veriut. Tusk nga ana tij deklaroi se medalja më e madhe do të jetë çelja negociatave.
”Medalja më e madhe do të jetë çelja e negociatave. Sot një vit më pas mund të them se në saj të përpjekjeve tuaja jemi më afër këtij objektivi. Në qershor krerët e shteteve u angazhuan për të dhënë një vendim të qartë për çeljen e negociatave. Unë kam qenë i mendimit se BE duhet të çelë negociatat. Vendi juaj duhet të trajtohet me të njëjtin respekt.
Në takimin e sotëm ne diskutuam edhe rëndësinë që ka lufta kundër korrupsionit dhe me sundimin e ligjit. Përndryshe projekti europian nuk do të qendronte dot në themele të forta. Antarësimi i Shqipërisë dhe Rajonit në BE është një interes të gjithë unionit. Kjo do të thotë se askush nuk po i bën askujt ndonjë nder.”- u shpreh Tusk.
Presidenti i Këshillit Europian, Donald Tusk, mbërriti në Tiranë pasditen e sotme, ku zhvilloi një takim me kryeministrin Edi Rama, në fokus të të cilëve ka qenë anëtarësimi i Shqipërisë në BE, ndërkohë që vendi ynë pret më 18 tetor vendimin e KE për hapjen ose jo të negociatave.
(M.Q/Faxweb.al)
