Sapo ka përfunduar takimi I Kryeministrit Rama me drejtuesit politik të Qarqeve të Veriut, Konkretisht me atë të shkodrës,., Lezhës, Dibrës dhe kukësit.
Nga burime për Faxëeb.al mësohet se Rama u ka kërkuar atyre që të marrin masa për të mos lejuar largimin nga puna të asnjë gruaje dhe vajze në bashkitë që deri më sot janë drejtuar nga e djthta dhe opozitta.
Ndërkaq ai ka kërkuar gjithashtu që shkarkime apo zëvendësime të bëhen vetëm në postet politike.
“Çdo vendim të merret në bazë të meritës dhe duhet të tregohet kujdes sidomos me bashkitë që drejtohen momentalisht nga e opozita”, mësohet të ketë thënë Rama.
Ndërkohë mësohet se rreth orës 17:00, Taulant Balla do të mbledh drejtuesit 4 qarqeve të Shqipërisë së Mesme ndërsa Gramoz Ruçi do të mbledh drejtuesit e Qarqeve të Shqipërisë së Jugut në qytetin e Fierit.
Këto takime të befasishme dhe të rakorduara pothuajse në të njëjtin orar, vijnë pak kohë pasi Rama mbledhi në selinë e PS kryesinë e partisë në të cilën u diskutua mbi procesin zgjedhor të 30 Qershorit.
Ndërkohë, është bërë me dije se me 22 Korrik do të mblidhet Asambleja Kombëtare ku pritet të vendoset edhe për zgjedhjet brenda partisë, gjë për të cilën vetë kryetari i saj tha për gazetarët se do të ndodh shumë shpejt.
Për Partinë Socialiste që është në pushtet, në sfond paraqitet një pengesë jo e vogël ndërsa kryebashkiakët aktual që vijnë nga radhët e opozitës dhe që iu ka mbaruar mandati, kanë deklaruar se nuk do t’i lirojnë zyrat e tyre pasi nuk e njohin procesin e 30 Qershorit.
Ata janë shprehur vazhdimisht se njohin dekretin e Presidentit në të cilin theksohet se 13 Tetori është data e re e ligjshme pas anullimit të datës 30 Qershor për zgjedhjet vendore.
Ndërkohë, nga ana tjetër, një pjesë e mirë e të zgjedhurve të 30 Qershorit, shumica prej tyre pa kandidat rival përballë, janë njohur me vendim të gjykatave të rretheve për marrjen e detyrës.
(FAXWEB.AL)
Discussion about this post