Shefja e Politikës së Jashtme në BE, Federica Mogherini, deklaroi nga Këshilli i Ministrave të Jashtëm të Bashkimit Europian, se nevojitet më angazhim i fuqishëm i BE-së në Ballkanin Perëndimor.
Gjatë takimit, ajo i njohu mininistrat me rezultatet e vizitës në këtë rajon. Pas përfundimit të turit të saj, ajo theksoi se nevojitet më shumë mbështetje ndaj vendeve të Ballkanit.
“Bashkimi Europian duhet të angazhohet fuqimisht për Ballkanin Perëndimor. Të mbështetet rrugëtimi drejt BE i vendeve të Ballkanit”, u shpreh Mogherini.
Pritet që Këshilli të miratojë konkludimet që do të përbëjnë bazën për raportin që liderët e 28 vendeve anëtare do ta miratojnë për Ballkanin Perëndimor në samitin më 9 dhe 10 mars në Bruksel. (XH.A/SHUPLAKA)
