Temperaturat janë ulur dhe dimri ka mbërthyer të gjitha zonat e vendit. Sipas Meteoalb gjatë ditës së nesërme rikthehen kthjellimet në të gjithë vendin, ndërsa pasditja mbetet me mot të ftohtë dhe me temperatura minus.
PARASHIKIMI PËR TË MËRKURËN:
Rikthehen kthjellimet në të gjithë vendin, duke përjashtuar ekstremin Verior ku do ketë vranësira lokale. Edhe pasditja mbetet me mot të kthjellët dhe të ftohtë.
Temperaturat e ajrit gjatë mëngjesit luhaten nga –3°C në 1°C në zonat e ulëta dhe bregdet por zbresin në –6°C në zonat malore; mesdita vijon me temperatura të ulëta, deri 4°C në zonat malore dhe deri 12°C në bregdet. (J.V/Faxweb)
