Ashtu siç është përfolur dhe ethet që kanë zënë administratën në këto ditët e fundit nuk janë pa shkak. Vetë kryeministri Edi Rama paralajmëron sot pastrimin e administratës.
Flet për keqbërës në administratë, por ama nga ana tjetër nuk jep të dhëna të tjera sesi është bërë evidentimi i kësaj kategorie nëse mund të quhet e tillë.
“Në fazën e parë të këtyre 100-ditëve na duhet pasrtim në të gjitha nivelet, na duhet pastrim fizik të institucioneve dhe na duhet pastrimi i administratës nga keqbërësit.
Do lançojmë një projekt të dytë kombëtar për çrënjosjen e krimit në vend, ashtu siç bëmë edhe me situatën e kanabisit. Lufta kundër kanabisit do të hyjë në një fazë të re, me përndjekjen e grupeve që e drejtojnë këtë trafik”, u shpreh Rama në nisje të fjalës së tij në Asamble.
Administrata publike sa herë që ka zgjedhje në vendin tonë përballet me lëvizje, që hiqet një drejtor e vendoset një tjetër vetëm e vetëm për interesa politike.
(E.K/SHUPLAKA)
