Ergys Kaçe nuk do të luajë në Shqipëri. Mesfushori i kuqezinjëve flitej që mund të transferohej në Superligë te Skënderbeu.
Menaxheri i futbollistit korçar ka përgënjështruar lajmin që Kaçe mund të luajë për ekipin e vendlindjes.
“Kaçe te Skënderbeu? Mashtrim, nuk ka asnjë gjë të vërtetë te ky lajm.
As që kemi biseduar me Skënderbeun, nuk e dimë nga dalin këto lajme. Kaçe po stërvitet me Paokun dhe klubi e ka në planet e së ardhmes’, ka deklaruar Caushi për Sport Ekspres.
“Kemi marrë vetëm një ofertë zyrtare, nga Kukësi, në zyrën e presidentit Safet Gjici, por e kemi refuzuar me mirësjellje, sepse Kaçe nuk vjen në Shqipëri”.
23-vjeçari ishte huazuar te ekipi çek Viktoria Plzen, por aventura te ky klub kishte përfunduar më herët sesa është pritur dhe tashmë është rikthyer në stërvitje me PAOK-un.
Discussion about this post