Pas përfundimit të protestës së opozitës, aktivisti Arbër Çepani kujton protestën e shumë viteve më parë të organizuar nga Partia Socialiste.
Pavarësisht se Çepani nuk bie dakort me disa gjëra të opozitës, ai shpreh vlerësimin e tij për natyrën paqësore të kësaj proteste dh madje e përgëzonin për modelin e qytetarisë që sipas tij përcollën sot.
“Dhe nëse nga një anë mendoj se opozita mund të kishtë zgjedhur shumë slogane të tjera por jo “Republikën e re” nga ana tjetër dua të përgëzoj opozitën që na ofroi një model qytetarie dhe fisnikërie sesi zhvillohet një protestë!!”, shkruan Çepani.
Aktivisti sjell dy foto për të krahasuar dy protestat, atë të sotmen dhe atë të “21 janarit” të organizuar nga PS-ja, protestë e cila përfundoi me dhunë dhe humbje jetësh.
Ditë para protestës së sotme, nëpër media qarkullonin informacione se kjo protestë e opozitës kishte indicie për dhunë. Një gjë e tillë u raportua fillimisht nga zyrtarë të policisë ndërsa shqetësimin për një ngjarje të tillë e shprehën edhe disa nga ambasadat më të rëndësishme perëndimore në vend. Mirëpo opozita u vërtetoi atyre sot se e kishin gabim dhe ata nuk dolën as sot nga linja e tyre paqësore.
REAGIMI I ÇEPANIT
Kur je militant i thekur e humbet magjinë e të menduarit në mënyrë të kthjellët…. dhe partia jote është gjithmonë e pagabueshme dhe e justifikueshme ndërsa partia e kundërshtarit ka gjithë të zezat e botës!
Për fat Zoti më ka dhënë fuqinë dhe vullnetin për të punuar nga ora 6 e mëngjesit e deri në orën 2 të natës me forcat e mia dhe asnjëherë nuk më është dashur të them atë që duhet të them por atë që ndjej të them!
Dhe nëse nga një anë mendoj se opozita mund të kishtë zgjedhur shumë slogane të tjera por jo “Republikën e re” nga ana tjetër dua të përgëzoj opozitën që na ofroi një model qytetarie dhe fisnikërie sesi zhvillohet një protestë!!
Të gjithë ata tipat “trendy” që ironizojnë sublimitetin e kësaj proteste në vetvete, le të rikujtojnë se çfarë modeli të protestuari i kanë lënë këtij vendi kur ishin në opozitë!!! Dhe mos u mërzisni shumë se ju shahen partitë se si sytë e ballit i keni….më të mirat dhe më të bukurat….që na vraftë perëndia ne që si shohim dot kështu!!! (D.D/Shuplaka)
