Mijëra qytetarë protestojnë prej dy ditësh në Bagdad kundër qeverisë për mungesën e vendeve të punës, mungesën e shërbimeve shtetërore dhe korrupsionin.
Forcat irakiane të sigurisë përdorën gaz lotsjellës dhe qëlluan me armë zjarri për të shpërndarë protestuesit.
Deri tani mediat e huaja raportojnë se kanë humbur jetën 18 protestues si pasojë e përdorimit të armëve të zjarrit, armë të vërteta kundër tyre. Edhe pse e lindur spontanisht, protesta e nisur që dje në Bagdad konsiderohet si më e madhja e viteve të fundit.
Si kundërpërgjigje ndaj trazirave të dhunshme, forcat e rendit kanë bllokuar rrugët kryesore dhe urat lidhëse, madje kanë bllokuar lidhjen në internet për t’i penguar protestuesit të organizohen nëpërmjet rrjeteve sociale.
Kryeministri Adel Abdul-Mahdi njoftoi të enjten vendosjen e shtetrrethimit të në një përpjekje për të kontrolluar protestat në kryeqytetin dhe kudo tjetër në vend.
Parlamenti i irakian ka urdhëruar kryerjen e një hetim për dhunën e ushtruar në protesta.
Discussion about this post