Përgjigjet për të vënë duart në kokë të anëtarëve të Vetingut, profesor Kabo tregon konkluzionet dhe qëllimin e tij

Pas videos që tregonte anëtarët e Vetingut me përgjigjet e tyre për të vëënë duart në kokë, Përparim Kabo, profesori që i pyeste jep të tjera detaje. Sigurisht që nuk mungon as sqarimi pë rata që e akuzuan për nivelin e pyetjeve.

Ai thotë se qëllimi i pyetjeve ishte për të provuar kujtesën institucionale dhe kulturën e gjërë intelektuale. Sipas Kabos vetëm tre nga 11 personat që ishin pyetur ishin të shkëlqyer. 

”Të nderuar miq të njohur dhe të panjohur…qëllimi im ishte të shikoja nivelin kulturor të kandidatëve për Këshillin e Lartë të Gjyqësorit dhe Këshillin e Lartë të Prokurorisë.

Ekspertiza e tyre profesionale ishte vlerësuar nga institucionet e arsimit të lartë. Në këto kushte unë provova thjesht atë që quhet kujtesë institucionale dhe kulturë e gjërë intelektuale.

Nga 11 vetëm 3 për mua ishin të shkëlqyer.Tani që shohim se kë do zgjedhin deputetët, këta të tre apo restin…Unë fola sepse nuk e dua atdheun tim si edhe Ju miq, me heshtjen.

Kultura e lart nuk të lejon të biesh në banalitet, kultura e munguar të përqafon me vesin dhe banalitetin ordiner. Ju faleminderit . Atdheu mbi gjithçka”, shkruan Kabo.

(E.K/SHUPLAKA)