Ashtu siç edhe kishte paralajmëruar, Kryeministri i Shqipërisë, Edi Rama sapo ka nisur prokurën për nisjen e procesit gjyqeësor mbi publikimet e Bild ku në disa audi-përgjime të publikuara dëgjohen zyrtarë të lartë të qeverisë, përfshirë edhe vetë drejtusin e saj të flasin për deformimin e votave kryesisht në Qarkun e Dibrës.
Rama shprehet se gjykata gjermane është ajo që do të vendos kush ka të drejtë në këtë mes, duke shtuar se shqiptarët meritojnë të dinë të vërtetën nga drejtësia e atij shteti.
“Sapo i kam dhënë prokurën avokatit gjerman Matthias Prinz, për nisjen e procesit gjyqësor mbi publikimet e BILD! Gjykatat gjermane le ta vendosin kush ka të drejtë e kush ka faj në këtë mes. E bëj sepse shqiptarët meritojnë ta dinë të vërtetën nga drejtësia e atij vendi pa hije”, shkruan Rama.
Kryeministri Edi Rama nga Kuvendi ka deklaruar të enjten e kaluar për publikimin e përgjimeve nga Bild, ku është shprehur se ky është një skenar i përgatitur nga opozita. Rama tha se nxjerrja e tyre që përkon me protestat, është shumë e qartë se PS fshihet pas tyre.
“Në këtë orvatje bashkohet ankthi nga drejtësia nga frika nga zgjedhjet. Po marrin peng procesin zgjedhor të 30 Qershorit. Marrja peng është orvatje për t’i mbyllur Shqipërisë derën e negociatave dhe gjithë plani me përgjime të pa hetuara, por të mbyllura në kasafortë dhe të dorëzuara te partia që lajmëron daljet në Gjermani përpara se të dalin në Gjermani.
Gjetja e vendit në Gjermani, kalendari aspak cuditërisht i përputhur me protestat, flasin vetë për këdo që dëshiron që të shikojë dhe mendojë. Revolucion imagjinar me punonjës bashkie, të rinj rrugë humbur që maskohen”, tha ai.
‘’Brenda 4 javëve unë do iu kërkoj gjykatave gjermane që të zbardhin gjithçka që ka dalë, atë bisedë do të bëja 100 herë, në të gjitha shtabet elektorale të Shqipërisë”, kishte deklaruar Rama.
(F.GJ/FAXWEB.AL)
Discussion about this post