Me argumentin se nuk është e mundur gjetja e autorit Prokuroria e Tiranës ka pezulluar hetimet për pajisjen përgjuese të gjetur në zyrën e ministrit të Brendshëm Saimir Tahiri.
Sipas TV Klan, Prokuroria gjatë këtyre muajve hetim nuk arriti të gjejë autorin pavarësisht se u morën në pyetje disa persona dhe u sekuestruan hyrje-daljen në zyrën e ministrit. Pajisja e gjetur ishte një përçues analog i përgjimeve ambientale në distancë.
Pjesa tjetër e pajisjes, ajo që kryen regjistrimin, nuk u gjet asnjëherë. Ditën kur u gjet, pajisja ishte e fikur pikërisht, pasi i kishte mbaruar bateria.
Organi i akuzës së kryeqytetit shprehet se për momentin dosja do të qëndrojë e pezulluar. Nëse do të ketë të dhëna të reja që mund të çojnë drejt gjetjes së autorit atëherë prokuroria pritet të rihapë hetimin.
Pajisja në fjalë u zbulua nga sekretarja e ministrit të Brendshëm Saimir Tahiri dhe u dorëzua pranë organit të akuzës bashkë me kallëzimin. Ajo ishte e vendosur pas grirëses së letrave që ndodhej në paradhomën e ministrit të brendshëm. (A.R/SHUPLAKA)
Modeli i ngjashëm i pajisjes përgjuese që u gjend në zyrën e Tahirit:
Discussion about this post