Deputeti socialist për qarkun e Kurbinit ka reaguar ndaj Ramës pasi ky i fundit e përjashtoi nga PS “live” sot në mbledhjen e Asamblesë së kësaj partie, pas kritikave të një dite më parë për punën e policisë në këtë qark. Gjetani thotë se Rama shtoi një dozë tjetër arrogance që sipas tij e kanë edhe të besuarit e tij.
Deputeti i Kurbinit shprehet se Rama duke e sulmuar atë politikisht nuk i ka sjellë investime këtij qarku, as nuk ka krijuar vende të reja pune, por ka prodhuar një hendek edhe më të madh mes qeverisë dhe qytetarëve.
Postimi i plotë:
Vendimi i Edi Ramës, per te me larguar nga Grupi Parlamentar, eshte nje vendim i padrejte.
Nuk me ka bere socialist Edi Rama, dhe nuk ka se si ai te me largoje. Socialist kam qene ne dite te veshtira te PS me familjen e njerez te afert te mi, dhe jo sot ne pushtet kur ndahen tendera e privilegje.
Sot Edi Rama nuk ofroi asnje zgjidhje per Kurbinin. Duke me sulmuar mua publikisht, ai as nuk shtoi investime, as vende te reja pune ne Kurbin. Perkundrazi, shtoi vetem nje doze tjeter te arrogances se tij, arrogance qe e kane dhe te besuarit e tij ne Kurbin, dhe kjo jo vetem nuk eshte ajo cfare presin banoret me shume halle, por vete problemi qe prodhon edhe me shume hendek mes qeverise dhe njerezve.
Une pavaresisht se si shkojne interesat e dites se Rames dhe miqve te tij, do vazhdoj te jem prane qytetareve.
Nuk kam qene asnjehere i pushtetshem, por kam qene i vertete me njerezit. Dhe do vazhdoj te ngreje zerin, per te gjitha shqetesimet dhe problematikat qe kane qytetaret e Kurbinit, duke mos u lekundur per asnje arsye.
