Përjetoi “udhëtimin e vdekjes”/ Mjekët e Vlorës: Po jeton me dopaminë, asnjë shpresë për turisten austriake

Vijon të jetë në gjendje kome turistja austriake që mbërriti dy ditë më parë e semure me krocerën Costa Viktoria.

Ana Lechenbauer, 68 vjeç ka pësuar hemoragji celebrale, ndërsa nga Spitali i Vlorës nuk i japin shpresë për jetën. Turistja aktualisht mbahet nën kujdes intensiv, ndërsa shenjat e jetës i ka të pakta. Nga spitali, mjekët bëjnë me dije se organet jetësore nuk i funksionojnë, me përjashtim të zemrës. Në spital janë duke pritur të afërm  të së  sëmurës për të firmosur për  ti nderprerë ndihmën me aparatura.

Spitali i Vlorës ka njoftuar ambasadën dhe kjo e fundit ka lajmëruar familjarët e 68-vjeçares. Sipas informacioneve mjekët janë duke e mbajtur me dopaminë dhe adrenalinë deri në mbërritje të familjarëve.

Turistja austriake mbërriti dy ditë më parë në spital, pasi krocera me të cilin udhëtonte kërkoi ankorim në port dhe ndihmën e spitalit.