Shoqata “Çamëria” po organizon një protestë para Ministrisë së Jashtmë. Protesta zhvillohet në kuadër të përkujtimit të të rënëve të Çamërisë. Kryetari i Partisë për Drejtësi, Integrim dhe Unitet, Shpëtim Idrizi i pranishëm në protestë deklaroi se dhe shqiptarët e Çamërisë duhet të trajtohen me dinjitet dhe se grekët erdhën si pushtues ndërkohë sot kanë varreza më ceremonial shtetëror.
“Më gjeni një rast të asaj që po ndodh sot në Shqipëri. Në asnjë vend ushtarët e rënë në një vend tjetër nuk rrinë në atë vend. Ata kanë ardhur si pushtues në Shqipëri. Ndërkohë ato sot janë varreza historike, me ceremonial shtetëror. Ne e dimë shumë mirë që këto ushtarë që kanë rënë këtu kanë rënë për atdheun e tyre, dhe më vonë nipërve tanë do t’u thuhet që kjo është toka jonë.
Shqiptarët e rënë të Çamërisë duhet të trajtohen me dinjitet. Edhe të vdekurit duhet ti trajtojmë njësoj. Kemi kërkuar që të këtë një varrezë për shqiptarët në Çamëri, për mjera jetë, edhe të vdekurit nuk po i trajtojme njësoj.
Nuk do të reshtim së kërkuari të drejtat tona. Kemi duruar por, mendoj se durimi ka një kufij. Megjithëse jemi për zgjidhje më rrugë demokratike. Bëj thirrje që nuk mund të jetë çështja e shqiptrëve të Çamërisë një çështje vullneti. Ne mendojmë se nuk ka forcë në botë të mos na lërë të kërkojmë të drejtat tona. Kemi besuar tek njërëz më dinjitet të cilët janë në funksionë qët e kanë detyrim kushtetues dinjitetin kombëtarë.” u shpreh Idrizi.
