Përleshje me thika mes shqiptarëve dhe grekëve, humb jetën i riu në Selanik

Një ngjarje e rëndë ka ndodhur në Greqi, në zonën e Selanikut, ku ka pasur përleshje me thika mes grupeve të të rinjve.

Sipas asaj që raportojnë mediat greke, si pasojë e përleshjeve mes grekëve dhe shqiptarëve në sheshin Kalohiri ka humbur jetën një 22-vjeçar.

Mediat greke raportojnë se viktimë mbeti një grek 22-vjeçar, i cili thuhet se u sulmua nga një thikë. Ai u transferua në Qendrën Shëndetësore Sindos, por nuk arriti të shpëtonte.

Sipas policisë, deri tani, nëntë të rinj janë arrestuar. Thuhet se sherri ishte mes shqiptarëve dhe grekëve, të cilët u perleshën, e më pas përdorën thika dhe sende të tjera të forta.

Por nuk ka asnjë motiv për shkakun e këtij sherri. Greku i pafat në përleshje e sipër u godit me thikë në gjoks dhe kjo i shkaktoi vdekjen.

(E.K/FAXWEB)