Në takimin me studentë, i mbajtur ditën e sotme, këngëtari Ardit Gjebrea, ka folur edhe për momentin më të vështirë në jetën e tij.
Ai tha se momenti më i vështirë e ka gjetur në Itali me datë 31 dhjetor i vitit 1992 dhe ku duhej ta kalonte këtë mbrëmje vetëm me 30 mijë lireta ose rreth 30 mijë lekë të vjetra.
“Ishte 31 dhjetor dhe unë me gruan e djalin që ishte vetëm 2 vjeç kishim gjithsej vetëm 30 mijë lireta., që janë pak a shumë 30 mijë lekë të vjetra. Ne duhet të festonim Vitin e Ri dhe të vazhdonim jetën me ato para. Nuk kishim asgjë për të ngrënë. E kishim traditë në familjen tonë, unë gjithmona kisha marrë një dhuratë (përlotet) dhe unë vajta i bleva djalit tim një makinë të vogël, 5 mijë lireta. Ishte një moment i vështirë por ka kaluar. Ndaj djali im është forca që më frymëzon gjithmonë”, është shprehur këngëtari dhe producenti i famshëm Ardit Gjebrea.
Pas këtij rrëfimi Gjebrea u dha një mesazh të rinjve studentë në sallë: që duhet të jenë mirënjohës për sakrificat e prindërve të tyre dhe t’ua shpërblejnë. (A.R/SHUPLAKA)
