Dy qytetarë që janë vëllezër kërcënojnë se do të hidhen nga pallati, pas nxjerrjes nga përmbarimi. Ata janë banorë në lagjen nr. 11 të qytetit të Durrësit.
Shkak është bërë kthimi i banesave të tyre tek ish-pronarët. Përmbarimi i ka kërkuar dy familjeve që të dalin nga banesat dhe t’ua kthejnë ato ish-pronarëve.
Por këta banorë pretendojnë që dokumentacioni është fals dhe nxjerrja e tyre është e paligjshme. Për këto arsye, ata kanë deklaruar se nëse do t’i nxjerrin jashtë shtëpisë do të vetëvriten duke u hedhur nga pallati.
Vëllezërit ndodhen në katin e katërt të pallatit ndërsa në zonë kanë mbërritur dhe forca të shumta policie.
(E.K/SHUPLAKA)
Discussion about this post