Ndërkohë që protesta po shkon drejt mbylljes protesta në disa qarqe të vendit si Korça, Gjirokastër apo edhe Elbasan, në Tiranë protestuesit e drejtuar drejt rrethrrotullimit kanë vendosur që të ndërmarrin një marshim drejt “Zogut të Zi” ku më pas do të bëjnë edhe shpërndarjen.
Kujtojmë se protesta e sotme në Tiranë është përmbyllur me disa incidente ku qytetarët kanë bërë thirrje të shumta kundër kryeministrit Rama, ndërsa nuk kanë munguar hedhja e shashkave e flakadanëve në rrugë.
Në Tiranë protesta është drejtuar nga Sekretari i Përgjithshëm i PD-së Gazment Bardhi ku qytetarët kanë bllokuar kryqëzimin në sheshin Shqiponja ku kanë djegur barrierat e rrethimit të zonës ku po punohet për vijimin e ndërtimit të segmentit të Unazës së Re, kanë hedhur flakadanë si dhe kanë djegur goma makinash.
Situata është paraqitur përafërsisht e njëjtë edhe në Lezhë në kryqëimin e Milotit, në Korçë, Berat dhe Shkodër ku qindra qytetarë kanë bllokuar rrugët dhe kanë hedhur thirrje kundër qeverisë dhe kryeministrit Edi Rama.
Discussion about this post