Ministri i Brendshëm Taulant Balla mbajti fjalën e tij në takimin me krerët e bashkive në vend për përmbylljen e sezonit turistik. Balla tha se Shqipërisë i është pastruar imazhi i keq si një vend i pasigurtë.
Turistët gjejnë këtu një siguri mbresëlënëse që nuk ka lidhje me legjendat e një vendi të pasigurtë. Gjithashtu vendi ynë ka numrin më të ulët të vjedhjeve në raport me numrin e banorëve.
Taulant Balla: Sot të gjithë mund ta themi me kokën lart me krenari se Shqipërisë i është pastruar imazhi i nxirë nga një kohë e shkuar dhe e rëndë shumëvjeçare. Nga një pjesë e mirë e artikujve që u shkruan dhe u shfaqën në televizion në revista për këtë sekret të zbuluar në mes të Europës nënvizohej edhe fakti se turistët gjejnë një siguri mbresëlënës që nuk kishte lidhje me legjendat e zymta. Shqipëria mban numrin më të ulët të vjedhjeve në raport me numrin e banorëve. Në Shqipëri gjatë gjithë sezonit turisitk janë arrestuar 382 persona dhe asnjë ngjarje kriminale ndaj turistëve të huaj. 8.3 milionë të huaj të ardhur deri në shtator kontaktin e parë dhe të fundit e patën me një polic të shtetit shqiptar.
Policia e Shtetit e ka kryer këtë operacion për mbarëvajtjen e sezonit turistik me të njëjtën forcë policore që kishim 1 vit më parë.
Discussion about this post