Një aksident me pasojë vdekjen e një 52-vjeçari është shënuar së fundmi në Ballsh. Ngjarja ka ndodhur teksa drejtuesi i kamionit drejtonte mjetin në guroren që ndodhet në fshatin Kalenjë të Ballshit.
I identifikuar si B. R. 52 vjeç, banues në fshatin Libofshë të Fierit, gjeti vdekjen teksa drejtonte mjetin me targa AA184FK.
Detaje të policisë:
Me datë30.05.2017, ora 10:45, në guroren që ndodhet në fshatin Kalenjë, Ballsh, është përmbysur automjeti tip kamion me targa AA 184 FK, me drejtues shtetasin B.R, 52 vjeç, banues në fshatin Libofshë, Fier, i cili ka gjetur vdekjen e menjëhershme. Grupi hetimor po punon për zbardhjen e shkaqeve të kësaj ngjarje.
(XH.A/SHUPLAKA)
Discussion about this post