Prej ditësh tashmë vijon situata e rënduar e motit të keq në Atikën Perëndimore, pranë kryeqytetit grek, Athinë, ku deri tani kanë humbur jetën 16 vetë dhe 6 të tjerë rezultojnë të humbur.
Mes personave të zhdukur rezulton edhe një shqiptar 29-vjeçar. Petro Spiro Koleci, ishte nisur mëngjesin e të mërkurës për në punë në zonën e Thives në mes të motit të keq, shkruan ‘’Tch”.
Automjeti i tij u gjet pak orë më vonë së bashku me çelësat, portofolin e sendet personale te tij. Sipas policisë gjasat për ta gjetur të gjallë minimizohen nga çasti në çast.
Në të njëjtën zonë nga moti i keq janë dëmtuar edhe shumë banesa në pronësi të familjeve me origjinë shqiptare.
Në një intervistë për mediat greke, kryeministri Alexis Tsipras është shprehur se vendi po përballet me një situatë të vështirë, ku uron dhe shpreson që numri i viktimave të mos shtohet, dhe që gjendja t’I rikthehet sa më parë normaliteti.
(E.K/Faxweb)
