Në Shkodër është mbledhur shtabi i emregjencave civile për shkak të situatës të përmbytjeve të ditëve të fundit. I pranishëm gjatë mbledhjes ka qenë deputeti i partisë Demokratike për zonën e Shkodrës Romeo Gurakuqi si dhe kreu i emregjencave Shemsi Prençi.
Fax raporton se Gurakuqi është shprehur se situata është katastrofike dhe se duhet të shpallet gjendje e jashtëzakonshme.
“Plotësohen të gjitha kushtet për shpalljen e saj.Kjo është një qeveri antishqiptare. Deklaratat e Gjiknurit ishin të papërgjegjshme. Do ta denoncoj.”
Ndërkohë që Prençi ka deklaruar se po vlerësojmë situatën e cila ishte e pritshme.
“E vlerësoj shqetësimin e deputetit. Duhet korigjuar defektet në shpërndarjen e fondeve. Po zhvishuni nga emocionet negative. Unë vij nga Komisioni i Hidrocentraleve. Është bërë një menaxhim perfekt i shkarkimeve graduale. Nuk mund te shpallim gjendjen e jashtezakonshme pasi asnjë aks nacional nuk është bllokuar. Asnjë qendër fshati nuk është izoluar. Nuk kemi asnjë shtëpi të përmbytur e as çarje argjinaturash. Ne do i ndihmojmë fermerët edhe pa u shpallur gjendjen e emergjencës siç ndodhi në Fier.”
(M.Q/Faxweb.al)
Discussion about this post