Nga rreshjet e dendura ndodhen ende nën ujë fshatrat Ferrasi dhe Qarri në qytetin e Fierit. Ndërsa në Vlorë në fshatin Novoselë janë nën ujë 77 banesa. “Fax News” raporton niveli i ujit është 40 centimetër.
Ndërsa në Elbasan është normalizuar situata. Janë ulur ndjeshëm prurjet e lumit Shkumbin dhe Përroit të Zaranikës. Problem mbeten vetem tokat bujqësore që vërshoi uji, ku edhe pas tërheqjes së tij janë prishur kulturat bujqësore.
Sipas banorëve niveli ka qenë i përafërt me nivelin e dhjetorit, rreth 10 centimetra me pak.
Shtabi i emergjencave bën me dije se edhe ura e dëmtuar në Gripsh të Peqinit është riparuar. Ndërkohë problem konsiderohet vetëm nje urë në Librazhd.
Ndërsa në qarkun Shkodër prurjet në kaskedën e lumit Drin janë të shumta dhe janë hapur portat për shkarkime në Hecin e Komanit dhe Vaut të Dejës. Po shkarkohet një sasi e madhe uji nga tuneli i Zadejës. Burimet bëjnë me dije se po shakrkohen 500 metër kub ujë në sekondë. (J.V/Faxweb)
Gjendja në fshatin Ferras:
https://www.youtube.com/watch?v=3KKOnkR7PbI
https://www.youtube.com/watch?v=M36Nrh60GqA
https://www.youtube.com/watch?v=52zRqA5pIQM&feature=youtu.be
Discussion about this post