Endira Bushati, e cila është koordinatore në Partinë Demokratike, ka reaguar pas një shkrimi të kryetarit të kësaj force politike Lulzim Bashës, lidhur me ekzekutimin e poetit Havzi Nela.
Bushati shprehet se Basha nuk e ka përmendur emrin e babait të kryeministrit Rama, gjë të cilën PD e ka patur refren ndër vite. Kjo për të vënë në dukje ndryshimin e marrëdhënieve mes Ramës dhe Bashës pas marrëveshjes së 18 majit, të cilët kritikët e të parit nuk humbin asnjë rast për ta përmendur.
Bushati bën gjithashtu edhe një krahasim mes reagimit të Bashës dhe ish-liderit të PD-së Sali Berisha, për të vënë në dukje ndryshimin.
REAGIMI I BUSHATIT
Lexova sot statusin në facebook të Kryetarit të Partisë Demokratike Lulzim Basha mbi Havzi Nelën, poetin e vrarë 29 vite më parë nga regjimi komunist….
Ka qenë refren i Partisë Demokratike ndër vite përmendja e emrit të Kristaq Ramës si firmëtar i vrasjes së tij….
Sot, në statusin e Bashës, ky emër “harrohej”…..
Madje, madje, me interpretim cilësohej dhe si “intelektual i kohës”……
“Jetën e poetit nuk e kursyen as intelektualët e regjimit të cilët me zellin e shërbëtorit u bënë edhe më mizorë se xhelatët të cilëve u shërbenin.”
17-18 Maji, kjo mesnatë e lavdishme….
(P.S. Shihni ndryshimin me statusin e Doktor Berishës) (D.D/Shuplaka)
Discussion about this post