Situata e zjarreve në grykën e Paliskës, që lidhet me zonën e mbrojtur të Llogarasë, është drejt përmirësimit të ndjeshëm falë angazhimit të koordinuar të strukturave vendore dhe kombëtare, si dhe ndihmës së Mekanizmit Europian të Mbrojtjes Civile.
Sipas njoftimit të përbashkët nga Agjencia Kombëtare e Mbrojtjes Civile dhe Ministria e Mbrojtjes, aktualisht nuk paraqitet rrezik i shtuar për zonën e Llogarasë apo për komunitetet përreth.
Forcat operacionale ndodhen ende në terren, ku po punojnë për shuarjen e plotë të disa trungjeve të ndezur brenda vatrave tashmë të kontrolluara. Për të përmbyllur fazën e pastrimit dhe për të izoluar çdo rrezik të mbetur, do të ndërhyhet nga ajri me helikopterët “Cougar” të Forcave të Armatosura.
“Gjendja në të gjithë zonën mbetet e qëndrueshme, ndërsa strukturat janë në gatishmëri për çdo zhvillim të mundshëm,” thuhet në njoftimin zyrtar.
