Shtetësja 39-vjeçare me iniciale E. L. ka rrëfyer gjatë së martës historinë e saj me ish-të dashurin 10 vjet më të vogël, i cili e përndiqte prej 10 muajsh.
Në dëshminë e saj përpara oficerëve të Çështjeve të Brendshme dhe Ankesave, ajo ka folrur për episodet e konsideruara si problematike.
“Kam pasur një lidhje gati 5 vjeçare me Leard Xhikën, lidhje që ai vendosi t’i jepte fund 5 vjet më parë kur u fejua me gruan që ka tani. E respektova vendimin e tij dhe vazhdova punën time. Ndërsa ai ka gati 5 muaj që më shqetëson. Më ka shkaktuar jo pak probleme, pasi më bezdis në telefon orar pa orar. Më del në rrugë, madje më ka ardhur edhe në shtëpi, duke dashur të futet brenda me forcë. Kanë ndodhur dy raste të tilla dhe ia kisha bërë të qartë që do ta denoncoja në Polici, pasi deri tani po e falja për hir të familjes së tij”, mësohet të ketë thënë E. L. në dëshminë e zbardhur nga një portal online.
Gardisti Leard Xhika 29 vjeç, u vu në prangat e policisë gjatë së martës pas kallëzimit penal të së dëmtuarës, e cila u ankua se ai e përndiqte prej gati pesë muajsh.
Efektivi i Gardës së Republikës, Leard Xhika, me origjinë nga Dibra dhe banues në Tiranë, shërbente në këtë institucion prej 5 vitesh. Ai është i martuar prej disa vitesh, martesë nga e cila çifti ka edhe një vajzë të vogël. (XH.A/SHUPLAKA)
Discussion about this post