Përndiqte për gati dy vite ish-të dashurën,por e pësoi keq shqiptari ish-boksier në Itali.
Ish-boksieri shqiptar jetonte prej vitesh në Itali. ‘Ansa’ shkruan se bëhet fjalë për 32-vjeçarin me inicialet V.E, i cili ishte rezident në Modena.
Po sipas këtyre burimeve, shqiptari persekutonte me mesazhe dhe telefonata nga viti 2014 deri në 2016-ën ish-partneren e tij, një 26-vjeçare dhe të dashurin e saj të ri, një 40-vjeçar. Pas hetimeve që kreu policia e Modenas, atij iu vendos masa e paralajmërimit që mos t’i afrohej ish-të dashurës së tij. Mësohet se viktimë e përndjekjes ka qenë dhe i dashuri i ish-partneres së tij.
Pas kërcënimeve të vazhdueshme, çifti italian është detyruar që të denoncojë shqiptarin në polici, ndërsa tashmë ai nuk mund t’u afrohet afër shtëpisë, as tek vendet e tyre të punës dhe as në lokalet që ata frekuentojnë. (J.V/Shupalaka)
Discussion about this post