Gjykata e Tiranës ka vendosur ndjekjen penale ndaj shoqëruesit të kryebashkiakut të Tiranës, erion Veliajt I cili disa ditë më parë, gjatë tentativës për të marrë një prononcim nga ky I fundit, gazetarja u përball me sjelljen e pahijkshme të punonjësit të tij.
Mësohet se Sonila Musaj dorëzoi sot në Gjykatën e Tiranës ndjekjen penale ndaj punonjësit të bashkisë së Tiranës, Aurel Boriçi, për akuzën e “përndjekjes dhe ngacmimit seksual që cënon dinjitetin dhe imazhin” .
Incidenti ka ndodhur natën e 11 shkurtit, kur gazetarja e Oraneës u pengua të ushtronte detyrën e saj për ti drejtuar pyetje kryetarit të bashkisë, Erion Veliaj.
“Erdhi dhe më përqafoi për të më penguar ushtrimin e detyrës time. Kjo sjellje është e papranueshme, seksiste. Unë jam nëna e dikujt dhe bashkëshortja dhe vajza e dikujt. Nuk e di si do të ishte ndjerë zoti Boriçi nëse një skenë e tillë do i kishte ndodhur bashkëshortes së tij. Jam krejtësisht e pafjalë. U pengua puna e një gazetari. Kur kjo i bëhet një gazetari imagjino çfarë mund ti bëhet një qytetari” – u shpreh gazetarja.
Ndërkohë në videon që u bë virale në rrjet, dëgjohet Boriçi i cili i thotë gazetares “Hajde të të përqafoj”.
(F.GJ/FAXWEB.AL)
Discussion about this post