Përndoqën dhe përdhunuan 19-vjeçaren në Pogradec, arrestohen në Tiranë dy të rinjtë e dyshuar

Dy të rinj janë arrestuar në Tiranë nën akuzën e përndjekjes dhe përdhunimit të një 19-vjeçareje në Pogradec.

Burime të policisë së Tiranës bëjnë me dije arrestimin e tyre kryer në zonë  e ish-Bllokut në Tiranë.

Referuar informacionit të policisë, autori i dyshuar A. K. 20 vjeç planifikoi rreth 4 muaj më parë përndjekjen dhe përdhunimin e vajzës së bashku me të arrestuarin e dytë, shtetasin R. C. 20 vjeç.

Të rinjve u është komunikuar akuza në ambientet e Komisariatit numër dy në Tiranë ndërsa të dielën ata do të dalin para gjykatës për tu njohur me masën e sigurisë ndaj tyre.

(XH.A/SHUPLAKA)