Përplas për vdekje këmbësorin në Fier, drejtuesi i mjetit arratiset nga vendngjarja

Një 55-vjeçar nga fshati Portëz ka ndërruar jetë në spitalin rajonal të Fierit pasi është përplasur nga një makinë.

Nga burimet e policisë bëhet me dije, se ngjarja ka ndohdur rreth orës 23.10 në fshatin Portëz, të mbrëmjes që lamë pas, ku shoferi ka përplasur këmbësorin dhe më pas është larguar.

Ndërkohë grupi hetimor po punon për zbardhjen e plotë të ngjarjes dhe kapjen e drejtuesit të mjetit.

Njoftimi i plotë:

“Në datën 13.08.2018, rreth orës 23:10, në fshatin Portëz, automjeti tip “Opel” në emër të shtetasit V.P, 54 vjeç, ka aksidentuar shtetasin Y.A, 55 vjeç, banues në fshatin Portëz, i cili ka ndërruar jetë në Spitalin Rajonal Fier.

Drejtuesi i mjetit pasi e ka goditur këmbësorin është larguar në këmbë nga vendngjarja dhe mjetin e ka lënë aty”.

(E.V/Faxweb.al)