Dy automjete janë përfshirë në një aksident pak minua më parë në Pogradec dhe për pasojë burime për Faxweb.al bëjnë me dije se janë plagosur 3 persona.
Tëplagosur kanë mbetur drejtuesit e mjeteve të përfshira në aksident përkatësisht A.H., 45 vjeç, banues në Pogradec dhe M.H., 32 vjeç, banues në Pogradec, por sipas informacionit të Policisë, e lënduar ka mbetur edhe një pasagjere e cila udhëtonte në mjetin tip “Renault”, shtetasja S.K., 52 vjeçe,
Të plagosurit e janë shoqëruar me urgjencë drejt spitalit për të cilët fatmirësisht mësohet se janë jashtë rrezikut për jetën.
Ngjarja ka ndodhur në dalje të qytetit të Pogradecit ndërsa grupi hetimor ka mbërritur për të hedhur më tepër dritë mbi shkaqet dhe rrethanat e aksidentit.
Pogradec/Informacion paraprak
Më datë 12.01.2020, në rrugën nacionale Pogradec-Tiranë, në dalje të qytetit të Pogradecit, mjeti tip “Renault” me drejtues shtetasin A.H., 45 vjeç, banues në Pogradec, është përplasur me një mjet tip “Benz”, me drejtues shtetasin M.H., 32 vjeç, banues në Pogradec.
Për pasojë janë dëmtuar dy drejtuesit e mjeteve dhe shtetasja S.K., 52 vjeçe, pasagjere në mjetin tip “Renault”, të cilët u dërguan në Spitalin e Pogradecit ku ndodhen jashtë rrezikut për jetën.
Grupi hetimor po punon për zbardhjen e rrethanave dhe shkaqeve të aksidentit.
(F.GJ/FAXWEB.AL)
Discussion about this post