Përplasen dy automjete në Librazhd-Përrenjas, plagosen drejtuesit

Një aksident i rëndë është shënuar mbrëmjen e së hënës në Librazhd.

Raportohet se dy automjete janë përplasur në Dragostujë në aksin rrugor Librazhd-Përrenjas.

Për pasojë kanë mbetur të plagosur dy persona, të cilët janë dërguar në spital.

Nuk dihen ende rrethanat e aksidentit ndërsa policia po punon për të zbardhur ngjarjen.

DVP Elbasan/Informacione paraprake

Rreth orës 19:40, në aksin rrugor “Librazhd-Qafë Thanë”, në fshatin Dragostunjë, automjeti që drejtohej nga shtetasi L. G., 30 vjeç, është përplasur me automjetin që drejtohej nga shtetasi G. C., 18 vjeç. Nga përplasja, janë dëmtuar 2 drejtuesit e automjeteve, të cilët janë në kujdesin e mjekëve.

Grupi hetimor vijon punën për sqarimin e rrethanave të aksidentit.