Një aksident me motorë është shënuar ditën e sotme në qytetin e Vlorës. Si pasojë e përplasjes së dy mjeteve tip motor, kanë mbetur të plagosur tre persona.
Ngjarja mësohet se ka ndodhur në Novoselë. Tre shtetasit e mbetur të plagosur, identiteti i të cilëve nuk dihet ende, ndodhen në gjendje të rëndë për jetën.
Mësohet se dy prej tyre janë të moshave 22 dhe 35 vjeç, të cilët janë transportuar në Spitalin Rajonal të Vlorës për marrjen e ndihmës së nevojshme mjekësore.
Detaje të Policisë së Vlorës:
Rreth orës 13:55, në rrugën kryesore të fshatit Novoselë, përballë komunës, janë përplasur aksidentalisht dy motora. Për pasojë janë dëmtuar dy drejtuesit e motorave, shtetasi T.M., rreth 24 vjeç, i cili u dërgua në spitalin e Fierit në gjendje të rëndë shëndetësore dhe shtetasi F.H., 41 vjeç, i cili ndodhet në Spitalin e Vlorës, jashtë rrezikut për jetën. Grupi hetimor ndodhet në vendngjarje duke kryer hetimet e mëtejshme në lidhje me sqarimin e rrethanave të aksidentit.
(XH.A/SHUPLAKA)
