Në Shkodër ka ndodhur në aksident në aksin rrugor Kryebushat- Vau Dejës, në vendin e quajtur Stajka pasi janë përplasur dy motorrçikleta. Sipas policisë nga ky aksident janë dëmtuar dy drejtuesit e mjeteve, shtetasi K. P, vjeç 27, i dëmtuar lehtë, jashtë rreziku për jetën, si dhe shtetasi Z. G. vjeç 67, i cili është në gjëndje të rëndë shëndëtsore.
DETAJE:
Më datë 09.11.2017, ora 07:30, ka ardhur një telefonatë në sallën operative se ka ndodhur një aksident në aksin rrugor Kryebushat- Vau Dejës, në vendin e quajtur Stajka, Vau Dejës ku janë përplasur dy motorrçikleta.
Si pasojë e aksidentit janë demtuar dy drejtuesit e mjeteve, shtetasi K. P, vjeç 27, i dëmtuar lehtë, jashtë rreziku për jetën. Si dhe shtetasi Z. G. vjeç 67, i cili është në gjëndje të rëndë shëndetsore Të dy këta shtetas janë dërguar në Spitalin Rajonal Shkodër për ndihmë mjeksore. Po punohet me grup hetimor për sqarimin rrethanave të aksidentit. (J.V/Faxweb)
