Përplasen makinat, njëra shpërthen në flakë. Dy shoferët transportohen me urgjencë në spital

Një aksident ka ndodhur në orët e para të kësaj të diele, ku dy makina janë përplasur me njëra-tjetrën në aksin Lezhë-Laç.

Sipas informacioneve të para bëhet me dije se njëra nga makinat ka shpërthyer në flakë, ndërsa i pasojë e përplasjes dy drejtuesit e mjeteve kanë mbetur të lënduar.

Mësohet se ata janë transportuar në spitalin e Lezhës për ndihmë mjekësore, ku raportohet se ndodhen jashtë rrezikut për jetën. Policia dhe grupi hetimor shkuan në vendin e ngjarjes për të zbardhur rrethanat e aksidentit.