Pas largimit nga futbolli i luajtur, ish-sulmuesi i kombëtares italiane, Antonio Kasano ka filluar të bëhet protagonist jashtë fushe.
Ç’do të diele ai ka qenë pjesë e emisionit “Tiki-Taka” në Mediaset, por mesa duket, tani ai nuk do të jetë më.
“Gazzetta.it” shkruan se vendimi është marrë nga drejtuesit e lartë të televizionit, ndërkohë që arsyet e këtij përjashtimi nuk janë bërë të ditura.
Mediat kanë hedhur dyshimet e para në lidhje me këtë përjashtim të ish-sulmuesit të njohur.
Gjasat janë që Kasano të jetë përplasur prapa kuintave me modelen Xhorxhia Venturini, ç’ka ka sjellë përjashtimin e ish-sulmuesit nga emisioni.
