Specialistët për Krimet në Komisariatin e Policisë Krujë arrestuan në flagrancë shtetasin Gaspër Nika 53 vjeç, banues në Thumanë. Ai ishte shoferi, që ditën e djeshme drejtonte furgonin me nxënës në Bilaj të Fushë-Krujës, i cili u rrëzua në kanal.
Nga rrëzimi i mjetit u lënduan disa nxënës, dy prej tyre me plagë më të rënda.
Gjithashtu filloi proçedimi penal në gjendje të lirë në ngarkim të shtetasit E.K. 50 vjeç, banues në Tiranë, i cili drejtonte furgonin me mallra.
Njoftimi i plotë i policisë:
Specialistët për Krimet në Komisariatin e Policisë Krujë arrestuan në flagrancë shtetasin:
- Gaspër Nika 53 vjeç, banues në Thumanë.
Gjithashtu filloi proçedimi penal në gjendje të lirë në ngarkim të shtetasit:
- E.K. 50 vjeç, banues në Tiranë.
Më datë 13.12.2016, rreth orës 14:00, në segmentin rrugor Ura e Gjolës –Fushë Krujë, fshati Bilaj, G.Nika duke drejtuar mjetin tip furgon me targa AA 580 FE, ka humbur kontrollin dhe është përplasur me mjetin (furgon mallrash)me targa AA 179 AK, me drejtues shtetasin E.K.
Mjeti tip furgon ka rënë në kanal, i cili tranasportonte nxënës shkolle.
Discussion about this post