Përplasi për vdekje gruan në Elbasan, arrestohet shoferi 35-vjeçar

Pas ngjarjes tragjike që ndodhi ditën e djeshme në Elbasan ku humbi jetën një grua dhe dy të tjerë u plagosën sot është arrestuar shoferi i makinës.

Policia e Elbasanit ka arrestuar shoferin që shkaktoi aksidentin me vdekje në Bradashesh në Elbasan dhe ai është  Ilir Hoxha, 35 vjeç banues në Burrel.

DETAJE:

Sipas policisë, Arrestimi i tij, u bë pasi në aksin rrugor Elbasan – Metalurgji në fshatin Bradashesh duke drejtuar mjetin tip “Benz” ka aksidentuar tre këmbësorë.

Si pasojë shtetasja V.S., 48 vjeçe banuese në fshatin Bradashesh ka gjetur vdekjen ndërsa  dy këmbësorët e tjerë shtetasit  Sh.F., 46 vjeçe dhe K.H., 31 vjeç banues në fshatin Bradashesh  ndodhen jashtë rrezikut për jetën.

Gjithashtu janë dëmtuar dhe  dy pasagjeret në këtë mjet, shtetaset E.K., 59 vjeçe banuese në fshatin Rrajcë Librazhd  dhe E.H., 39 vjeçe banuese në Burrel. Të dyja ndodhen në spital, jashtë rrezikut për jetën.

Policia ka depozituar Materialet në Prokurorinë e Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” .  (J.V/Faxweb)