Policia e Lezhës ka arrestuar Mark Xhakaj, 55-vjeç pasi aksidentoi për vdekje me mjetin e tij një këmbësor. Aksidenti ka ndodhur pasditen e djeshme. Xhakaj ishte larguar nga vendi i aksidentit dhe arrestimi i tij nga policia u bë në flagrancë.
Viktima është Gjeto Toma, 64 vjeç. Ky i fundit gjeti vdekjen në Spitalin e Traumës në Tiranë ku dhe ishte transportuar pas aksidentit për trajtim më të specializuar.
Fillimisht ai ishte dërguar në Spitalin e Lezhës dhe sipas mjekëve atje gjendja e tij shëndetësore nuk përbënte rrezik për jetën. Ndërkohë që në mesnatën e sotme ai ka ndërruar jetë.
