Përplasi rëndë 8-vjeçarin tek dera e shtëpisë në Paskuqan, polici lihet i lirë pas dëshmisë në komisariat

Një ngjarje e rëndë ka ndodhur tre ditë më parë në Paskuqan, e cila është mbajtur e fshehtë.

Një punonjës policie teksa po ecte me shpejtësi me makinë ka aksidentuar një 8-vjeçar para derës së shtëpisë së tij në Paskuqan.

Oficeri i policisë me iniciale T.GJ është shoqëruar ditën e sotme në komisariat, pasi aksdentoi 8-vjeçarin K.B, i cili aktualisht po lufton me vdekjen në spitalin Ushtarak të Tiranës.

Mësohet se punonjësi i policisë është shoqëruar në komisariat, dhe pas dëshmisë është lënë i lirë dhe po procedohet penalisht për shkelje të rregullave të qarkullimit.

Ngjarja e rëndë ka ndodhur tre ditë më parë, dhe u bë publike vetëm pas denoncimit në mediat online nga qytetarët, ndërkohë që mësohet se vogëlushi është në reanimacion, me pak shpresa për jetën.

Mësohet se fëmija ka qënë te dera e shtëpisë së tij kur ka kaluar polici me makinë me shpejtësi skëterrë dhe e ka marrë përpara. Më pas ka qenë vetë polici ai i cili e ka dërguar në spital 8-vjeçarin.