Policia e Durrësit ka arrestuar një shtetas 52-vjeçar, i cili akuzohet për një ngjarje të ndodhur në datën 6 dhjetor në Spitallë.
Sipas njoftimit të policisë, 52-vjeçari me inicialet S. B. ka përplasur për vdekje 36-vjeçarin E. H. Dhe më pas është larguar nga vendi i ngjarjes. Por pas dy ditësh 52-vjeçari është vetëdorëzuar në polici.
Njoftimi i policisë:
Nga Specialistët e Qarkullimit Rrugor në Drejtorinë Vendore të Policisë Durrës, u bë i mundur arrestimi i shtetasit: S.B.,52 vjeç, banues në Durrës. Ky shtetas dyshohet se më datë 06.12.2019, në orën 16:45, në lagjen Nr 15, Spitallë, duke drejtuar mjetin tip “Renault Megane”,ka aksidentuar me pasojë vdekje shtetasin E.H., 36 vjeç, dhe u largua nga vendi i aksidentit.
Falë veprimeve të shpejta të kryera nga grupi hetimor u bë i mundur identifikimi i mjetit. Drejtuesi i mjetit, shtetasi S.B, paraditen e sotme u vetëdorëzua në Polici. Materialet i kaluan Prokurorisë së Rrethit Gjyqësor Durrës për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
(M. I./ Faxweb.al)
