Ministrja e Infrastrukturës dhëe Energjitikës, Belinda Balluku ka konfirmuar, se qeveria shqiptare po kërkon konsulencë të huaj ligjore për të verifikuar kontratën koncesionare të aeroportittë Rinasit. Balluku thotë së qëllimi nuk është prishja e saj por verifikimi në shërbimet që ofron për qytetaret dhe operatorët ekonomik.
“Përsa i përket një kontrate konsulence që Avokati i Shtetit ka aplikuar për zgjidhjen e problematikës që ne kemi me kontratën koncesionare, kemi të gjithë të drejtën si shtet të aplikojmë për ta pasur mbështetje ligjore nga studio të njohura ndërkombëtare dhe kjo nuk përkthehet as në zgjidhje të kontratës koncesionare”, deklaoi Balluku.
Pavarësisht se ajo e konsideron problematike këtë kontratë, ministria nuk ka ende asnjë vendim lidhur me ecurinë e saj.
Nëse rezultat pas përfundimit të skanimit nga studio ligjore që do të bëjë verifikimin do të jenë në favor të qeverisë, kjo kontratë do të përfundojë në arbitrazh.
“Ne kemi kërkuar një mbështetje ligjore për ta sonduar dhe skanuar atë kontratë e cila është problematike për të gjithë partnerët që operojnë në aeroport, edhe për policinë e shtetit, edhe për shtetin shqiptar, nga njëherë dhe për cilësinë e shërbimeve që ju ofrohet qytetarëve atje”, deklaroi ministrja
Kujtojmë se marrëdhëniet mes qeverisë dhe koncesionarit nuk kanë qënë të njëjta që prej grabitjes së bujshme në pistën e aeroportitn të Rinasit. Por pavarësisht kësaj, qeveria nuk e ka ndryshuar vendimin për prishje të kontratës edhe pse koncesionari nuk ka zbatuar masat për rritjen e sigurisë në aeroport.
(F.GJ/FAXWEB.AL)
Discussion about this post