Përplasja Lalla-Lu, Meta i del në mbrojtje Kryeprokurorit

Kreu i Kuvendit, Ilir Meta ka dalë në një konferencë për mediat për të mbajtur qëndrim lidhur me përplasjen mes ambasadorit amerikan, Donald Lu me Prokurorin e Përgjithshëm, Adriatik Llallën.

“Me kërkesën time sekretari i përgjithshëm i Kuvendit, ka kërkuar sqarime shtesë për vlerësimin e kryer nga Prokuroria e Përgjithshme, për plotësimin e kritereve. Kandidatët që nuk plotësojnë kushtet largohen. Për deklaratat e Lu-së ndaj Llallës kam kërkuar shumë sqarime ”, tha Meta.

Kreu i Kuvendit shtoi se, Prokurori i Përgjithshëm ka kryer përgjigje zyrtare, duke sqaruar se asnjë kandidat tjetër përveç tre emrave të dërguar nuk plotëson kriteret e vendosura nga Kuvendi për anëtarët e Këshillit të Lartë të Prokurorisë që do të përbehet nga 9 anëtarë.

Ndërsa në lidhje me akuzën se prokuroria ka shmangur konkurencën dhe transparencën për kandidimin e prokurorëve të sistemi, Meta  u shpreh se nuk ka pasur asnjë prokuror që të ketë përfunduar shkollën e Magjistraturës që të plotësonte këtë kusht, si edhe në Prokurori të Apelit, të vendosur nga Kuvendi i Shqipërisë me asistencën e OPDAT dhe Euralius. “Nuk ka pasur ulje në detyrë të asnjë prokurori. Prokuroria e Përgjithshme ka zbatuar në mënyrë korrekte Kushtetutën dhe ligjin” deklaroi Meta. 

Po kështu përsa i përket Reformës në Drejtësi ai ka deklaruar se me nerva të çelikta nuk do të ndalet sa ajo të shkojë drejt fundit. “Unë jam këtu si Kryetar i Kuvednit për të thelluar trasparencën. Frymën e Kushtetutës në Shqipëri e interpreton vetëm Gjykata Kushtetuese. Jam këtu për t’u bërë thirrje të gjithëve. Me nerva të çelikta pa u ndalur, sepse jemi angazhuar për të ca cuar deri në fund Reformën në Drejtësi. Jam këtu për të ndihmuar trasparencën e procesit dhe ky do të vazhdojë dhe do të monitorohet nga partnetët tonë kombëtar”, tha Meta.

Përsa i përket mbledhjes së Këshillit të Sigurisë Kombëtare Meta ka thënë se ishte një mbjedhje shumë bashkëpunuese dhe pritshmëria është të arrestohet Klemend Balili.  

“Dua të falënderoj Presidentin i cili mori në konsideratë kërkesën time si anëtar i këshillit të sigurisë kombëtare, dhe ka qenë mbledhje bashkëpunuese, dhe nga më të përgjegjshmet që kam marrë pjesë. Pritshmëria që kemi është arrestimi i Klement Balilit, por nuk është çështje që zgjidhet këtu, por që do ta zgjidhin agjencitë tona ligjzbatuese,” tha Meta.

Më herët Presidenca zbardhi diskutimet 2 orëshe të ditës së sotme në në Këshillin e Sigurise Kombetare, e cila u mblodh nën drejtimin e Presidentit të Republikës, Bujar Nishani me kërkesën e Ilir Metës. Presidenti i Republikës theksoi që në fillim se shqetësimi i ngritur është serioz, legjitim, i nevojshëm për të nënvizuar më fort angazhimin dhe bashkërendimin e veprimeve të agjencive ligjzbatuese të lidhura drejtpërdrejtë me sigurinë kombëtare. (J.V/Shuplaka)