Ish-ministri i Drejtësisë, Ylli Manjani, ka komentuar replikat që janë shoqëruar me akuza të rënda mes Prokurorit të Përgjithshëm, Adriatik Llalla dhe ambasadorit të SHBA-ve në Shqipëri, Donald Lu.
Në reagimin e tij pak minuta më parë, Manjani shprehet se bëhet fjalë për një çështje serioze. Duke përkrahur mendimin e Shkullakut, ai shkruan se në këtë rast ose ikën Prokurori ose Ambasadori pasi rrugë të mesme të besueshme në këtë rast nuk ka.
“Përplasja ndërmjet Ambasadorit të SHBA dhe Prokurorit të Përgjithshëm është një çështje serioze.
Jam në një mendje me Armand Shkullakun: ose ikën Prokurori ose ikën Ambasadori! Rrugë të mesme të besueshme nuk ka! Të shohim!”, shprehet Ylli Manjani.
Këto komente të tij bëhen teksa kryeprokurori Adriatik Llalla zhvilloi takim mëngjesin e sotëm me kryeparlamentarin Ilir Meta, pak orë përpara mbledhjes së Këshillit të Sigurisë.
Ylli Manjani u shkarkua nga detyra e ministrit të Drejtësisë më 30 janar, pak orë pas takimit që kryeministri Edi Rama zhvilloi me kryetarin e Kuvendit, Ilir Meta. (XH.A/SHUPLAKA)
