Përplasja me armë në Durrës/ Dalin detaje të reja, i plagosuri tjetër kunati i Lul Berishës (Emri)

Detaje të reja kanë dalë nga ngjarja e rëndë e ndodhur mesditën e sotme në Durrës, në zonën e ish-kënetës ka pasur të shtëna me armë zjarri ku është plagosur Julian Meçaj, pjesë e bandës së Lulzim Berishës.

Ndërkohë që mësohet se bashkë me të është plagosur edhe Plarent Dervishaj i cili ka marrë një pumb në këmbë por që ndodhet jashtë rrezikut për jetën.

Plarent Dervishaj është kunati i Lul Berishës, ndërsa Meçaj miku i tij. Grupi i Lul Berishës është i akuzuar për disa vepra kriminale në qytetin e Durrësit.

Meçaj ka marrë tre plumba në trup, ndërsa Plarent Dervishaj ka marrë një plumb në këmbë. Ata janë dërguar me urgjencë në spitalin e Durrësit ku për momentin sipas mjekëve gjendja e tyre është jashtë rrezikut për jetën.

Ndërkohë sipas burimeve të Faxweb.al kanë mbetur të plagosur dhe dy kalimtarë, po fatmirësisht ata ndodhen jashtë rrezikut për jetën.

Burime bëjnë me dije se të shtënat kanë nisur në rrugën dytësore të Maminasit, ndërsa policia ende nuk ka detaje për ngjarjen.

Mësohet se Meçaj është ndjekur nga një mjet, dhe është qëlluar teksa ka qenë duke ecur me makinën e tij. Gjendja e tij është e rëndë, pasi siç shihet dhe nga pamjet makina është qëlluar me breshëri armësh.

Sipas dëshmive nga vendngjarja, sulmi ka zgjatur për më shumë se 20 minuta, nga një mjet që mendohet të ketë ardhur në drejtim të Range Rover-it nga Porto Romano. G

Githnjë sipas dëshmive, brenda mjetit nga është qëlluar ishte një shofer dhe një person i maskuar i cili qëllonte me breshëri automatiku.

Ndërkohë, nga spitali ku po marrin ndihmën mjekësore dy të plagosurit, Faxëeb.al ka siguruar pamje ku duket prezenca e lartë e forcave të sigurisë të armatosura dhe që nuk lejonë njerëzit të futën brenda ambienteve të këtij institucioni shëndetësor pa autorizim.

Informacion paraprak

Më datë 20.06.2019, rreth orës 13:20, në lagjen 17/1 Durrës, në rrethana ende të paqarta janë plagosur dyshohet me armë zjarri nga persona ende të paidentifikuar, shtetasit J.M.,36 vjeç, dhe P.D.,47 vjeç, të cilët ndodhen jashtë rrezikut për jetën në Spitalin e Durrësit .

Shërbimet e Policisë kanë shkuar menjëherë në vendngjarje dhe po punojnë për zbardhjen e plotë të ngjarjes, identifikimin dhe kapjen e autorit/ve.

(F.GJ/FAXWEB.AL)