Përplasja me armë te “Komuna e Parisit”, i plagosuri nga Bulqiza i apasionuar pas mjeteve luksoze (FOTOT)

Zbulohen fotot e Lorenc Hoxhës, djalit 24-vjeçar i cili mbeti i plagosur mbrëmjen e sotme, pas përplasjes me armë në “Komunën e Parisit” në kryeqytet.

Mësohet se i riu, me origjinë nga Bulqiza është jashtë rrezikut për jetën. Ai ka marrë një plumb në shpatull dhe ndodhet në spital nën kujdesin e mjekëve.

Nga fotografitë e tij të publikuara në rrjetet sociale,  Hoxha duket se është i apasionuar pas mjeteve të luksit, pasi ka publikuar një sërë fotosh që e dëshmojnë këtë.

Një dëshmitar i ngjarjes ka rrëfyer në një prononcim për televizionin Klan, se çfarë ka parë në ato momente kur “Komuna e Parisit” oshëtinte nga të shtënat me armë.

 “Fillimisht makina tip Benz ngjyrë e bardhë me targa AA 777 RT e cila vinte nga kryqëzimi i “Komunës së Parisit” duke tentuar për tu futur në rrugë dytësore ka prekur me pasqyrë një kalimtare, e cila është rrëzuar dhe më pas drejtuesi i makinës nga frika se mund të kishte shkaktuar aksident është larguar me shpejtësi.

I plagosuri  është shkëmbyer me mua dhe i kam treguar se ku ndodhet ambulanca për të shkuar për të marrë ndihmën e nevojshme.

Shoferi i makinës, i plagosur me dorën që po i rridhte gjak, së bashku me një shokun e tij janë larguar me vrap nëpër rrugica”, rrëfen dëshmitari.

Ndër të tjera dëshmitari tregon se mjeti i cili i ishte pa frena ka lëvizur një gjendje të lirë dhe është futur brenda tunelit duke rrezikuar jetën e fëmijëve të lagjes, të cilët po luanin aty pranë.

INFORMACIONI ZYRTAR I POLICISË

Më datë 03.08.2017, në Numrin e Emergjencave 112, rreth orës 19:55, ka ardhur një telefonatë për shkëmbim zjarri në kryqëzimin e Komunës së Parisit.

Në vendngjarje kanë mbërritur shërbimet e policisë dhe ambulanca. Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.

Janë ngritur pika kontrolli në hyrje-dalje të qytetit. Vazhdon krehja e zonës.

Grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes. (D.D/Shuplaka)

[ngg_images source=”galleries” container_ids=”2562″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]